AKU BISA - Part 1 (720p)

Cerita Rakyat Kalimantan Tengah (JUDUL : BURUNG SABARU (BAGAU) DENGAN BAKEI (KERA)

BURUNG SABARU( BANGAU) DENGAN BAKEI

SABARU ( BURUNG BANGAU )DENGAN KAPAL TEWU( TEBU)

Tege ije andau …… Burung Sabaru ( burung bangau) manampa kapal rakit bara batang tewu( tebu ).Ie barancana handak balayar kan pulau Jawa. Te ie mangumpul batang tewu ….tahi kea ampin gawi te.Limbah jadi sadia kapal rakit te,…kayahhhhh… bahalap kapal te kajaria, puna dia kalaluen.

Te sabaru mancuba huang sungei……. Puna bahalap haliai ……kius kius sabaru mendeng huang baun kapal te.Balalu ih ie nah manulak arepe balayar

Bara hunjun taruk kayu……tege kawan Bakei paham

hengan tuntang kagum haliai manampayahe, balalu ewen mangipai handak kea umba balayar kan pulau Jawa .

Te Sabaru je bajenta bajurah tende manduan Bakei ewen hanak…..ewen balalu lumpat kan kapal tewu te. Kapal tewu tulak sambil Sabaru mahiau manangkariak…Rami ih ewen…… umba masuh kan ngawa tasik (laut) jawa, marak karas nampuh riwut…… anju-anjut tasik(laut )bagalombang.

Tahi-tahi, kawan anak Bakei rise cara bagendong dengan indu Bakei …te ewen

busik tanjung ngaju ngawa ngaju ngawa , lulang luli kute hante-hante ….sambil

hureh ewen krihhh,,krahhhh…….. dia tau lepa-lepah hureh.

Kajaria ewen balau, uyuh, teah belaie………te indu bakei ……jadi bara endau

ndai handak balaku tewu te kandu kinae ..tapi ie mahamen……

Indu Bakei tege akale…. Ie mangutip ije anake…”..ngaarrrr……” Anake manangis…..” mbuhen nah ikau manangis ? “ kuan Sabaru, ancap indu je tumbah “ Ie balau…..en tau laku isut batang tewu kau mangat ie benyem”…….awi Sabaru nah puna pamasi ,,,te ie tumbah : “… tau ih … tapi duan je hela hunjun hatap te ih….”

Capat ndai Bakei kau mamulek hatap tewu te prikkkk prakkkk sinde…..Kip kap kumae….. ewen hanak…..jatun kahawe.

Dia tahi …arae je Bakei tatun kabungu….. tapas belaie keme kamangat , kamanis tewu , nihau hare kahause……….akale miar, ie benyem-benyem mangutip hidai kawan anake…. Te rami ridu kariak-kariak kawan anake….. “ Kayahhhh..pasi ewen tuh haus hindai “ “duan ela are kuan sabaru “……….

Puna lalau mias je area Bakei…. Hante-hante kalute lulangluli…….. padahal lagi huang bentuk tasik……..Kajaria lepah hatap sampai batang huma bara tewu te …lingis kinan ewen hanak.

Pulau Jawa lagi kejau….. ewen toh puna sawuh mawi arepe…..Babuah lah itah tuh lagi kejau, …lagi huang bentuk tasik…… itah tau kahem leteng amun dia sama-sama mahaga kapal tuh uka tatap miar ………hining te Bakei …

Bakei te dia uli nyarenan belaie, dia kandue ampin kare auh kutak Sabaru mampingat ewen hanak , mampingat kilen kajaria pambelum ewen je metuh bentuk tasik tau matei kahem.Dia kandue Karen andau jewu, kare kasalamat ..je penting……metuh tuh kuman tewu…… kilen cara tau kuman tewu je tisae ……padahal te tisa laseh….. je beken jadi lepah.

“Krahhhhh, krihhhhh….. ridu hindai, kawan anak bakei te manangis…..” takan kinan…..” Sabaru jadi dia tahan mahining auh kariak taluhkau. Te laseh eka ewen munduk jadi nampare lepah kinan ewen, nampara ndai tame danum.Ewen Bakei masih rami pesta tewu……..

Narai ati…… kahem ie kapal tewu te…….” Dodop…!!dohop!!! auk bakei , danum manelen kawan Bakei , ewen mancuba hanangui tapi dia uli… dia sampai papire menit, lepah ewen hanak leteng lilap tame nelen awi danum tasik.

Sabaru balalu tarawang awi ie tege palapase…… tarawang sambil pehe ateie payah kapal tewu tampan ayue te lilap huang bentuk tasik. Heka ie manampa kapal tewu te….. dan balang ih hanimpah kan pulau Jawa . Ie paham masi dengan kawan bakei ewen hanak lepah buseng…. Tagal ewen dia manumun uahe.

NARAI AJAR AKAN ITAH :

1.Kita harus mau mendengar nasehat orang lain, teman, terutama orang tua kita. Karena peringatan dan nasehat biasanya untuk kebaikan bersama dan keselamatan diri kita sendiri. Orang yang melawan dan tidak mau mendengar nasehat bisa mendapat celaka, rugi, sial,sakit dan penderitaan yang sangat fatal akibatnya, karena bisa kehilangan nyawa.

Jadi dengarkanlah petuah dengan bijaksana , jangan remehkan…maka keberuntungan di tangan kirimu dan kekayaan dan kehormatan di tangan kananmu.

2. Jangan hidup dikendalikan napsu serakah, egois, sulit mendengar, sulit menghargai orang lain, tidak ada pengendalian diri ,tetapi kendalikanlah napsumu sehingga jalan hidup mu akan berhagia.

SUMBER : -ALWINA BASAR SAWONG ,buku cerita rakyat Kalteng.

Cerita Rakyat Kalimantan Tengah (Judul : BADAK GAGAL PATEAH SUNGEI)

Akan akeng je lagi kana ulir awi indu.. tau sambil indu mangesah akan anak uluhan je lagi kana ulir..

BADAK GAGAL PATEAH SUNGEI

(Inyusun : Emma Mihing)

Sinde andau kuan anak haramaung dengan indu : “Mai, aku handak mandui akan sungei. Dia aku tahi mandui mai, hanjulu ih”.

Kuan indu haramaung : “Ela tahi ikau mandui balimbur nak”.

Kuan anak haramaung : “Yuh mai, hanjulu ih aku mandui, dia aku laya-laya awi balimbur”.

Kuan indu haramaung : “Takan ih ikau mandui amun kalute. Bingat ela laya-laya awi balimbur”.

Kuan anak haramaung : “Tulak mandui tuh kea aku mai”.

Kuan indu haramaung : “Takan ih tulak mandui akan sungei te”.

Anak haramaung mandui intu saran sungei. Kuan anak haramaung te kabuate : “Terai aku mancuba akan laut isut”.

Laut jajalan laut anak haramaung sewu sungei te. Keruh kaluntu danum intu sungei te gawin anak haramaung te.

“Aluh jatun kawalku mandui tuh, rami ih angate hanangui, tangui tapak kilau tuh”, kuan anak haramaung hung ateie. Tahi pandui anak haramaung te.

Awi katahi mandui tepa darem bulu. Kuan anak haramaung : “Terai ih aku tuh mandui, jadi badarem bulungku tuh”, hayak ie buli manalih indu.

Kuan indu haramaung : “Lalehan katahim mandui nak ? Tantani aku mentai ikau. Aku handak mimbit ikau mananjung manggau kare bua tungkui akan panginan itah. Ayu gulung nyadia arepem mangat kue gulung tulak”.

Kuan anak haramaung : “Sadia ih aku jadi mai, ayu ih itah tulak”.

Indu haramaung tatam-payah uyat anake, gitan jatun ati salinga. Kuan indu haramaung : “Kueh ie salingem nak ?”

Kuan anak haramaung : “Tege ih salingku intu uyatku”.

Kuan indu haramaung : “Kueh atun salingem intu uyatem kau, tau nihau awim metuh mandui nah”.

Kuan anak haramaung : “Tutu kea, jatun salingku tuh mai”, hayak ie manggayap uyate.

Kuan indu haramaung : “Ayu itah tulak akan saran sungei ekam mandui nah, itah manggau. Oo, badak. Duhup aku nger, duhup aku mampateah sungei tuh”.

Kuan badak : “Kenam-pingku tau kare pateah sungei tuh, bara huran sampai wayah tuh kueh puji utus ikei tau kare pateah sungei”.

Kuan indu haramaung : “Ela dia manduhup aku nger, puna nyame-nyame ih aku balaku duhup dengam pateah sungei tuh. Awi saling akem kau nihau leteng intu sungei tuh”.

Kuan badak : “Kilen ampingku tau kare duhup ikau, jatun atun kuasangku tau pateah sungei tuh”.

Kuan indu haramaung : “Duhup ih nger, te ikau mihup danum sungei tuh sampai teah. Mangat danum te dia balua te aku kareh manyumbel param mahapan palawi. Kalute caram man-duhup aku tuh nger”.

Kuan badak : “Amun tau kilau te, tau ih cuba-cuba aku manduhup ikau nger”.

Kuan indu haramaung : “Lihiku ikau helu nger”. Dia kapire katahi indu hara-maung dumah mimbit palawi hapan manyumbel paran badak te.

Haramaung manyumbel paran badak sumbel bade-hen, inyumbel hapan palawi, hayak hamauh : “Has nger, nampara mihup ih ikau mampateah sungei tuh”.

Badak nampara mihup danum sungei te, gitan danum sungei jajalan teah. Kanain badak sangkak kun-tep danum. Danum sungei teah, gitan ih kelep gayar garama.

Kuan indu haramaung : “Panginan mangat ampi tuh, bujur te, lembut angat laun kanaingku manampayah kelep tuh”.

Kuan kelep : “Kareh helu ikau kuman aku, alang-alang amun je kuman aku kabuat”.

Kelep hadari manggau eka bakalindung manyahu-kan arepe. Metuh kelep mandari arepe te, hasundau ie dengan kalapiting.

“Duhup nger, te hara-maung kau handak kuman itah. Duhup mengkak sumbel paran badak, gawin harama- ung kau, mangat danum haluli handalem”, kuan kelep dengan kalapiting.

Kuan kalapiting dengan kelep : “Kilen ampin cara aku mengkak sumbel para badak kau nger ?”

Kuan kelep : “Narai atun ngatip aka sumbel paran badak kau, sampai talapas bara para”.

Hayak sasahukan kala-piting lumpat nyarurui pain badak balalu mangatip mengkak sumbel palawi je gawin haramaung nah. Tahi kea kalapiting te mangatip mengkak, kajaria sumbel paran badak te balawu, bengkak.

Narai atun sana bengkak sumbel paran badak te, balalu mesu-mesur danum balua nyarurui rumbak para badak te. Haluli handalem sungei nah. Ancap kalapiting mandari arepe manalih sangere kelep.

Kuan kelep : “Salamat itah nger, awi danum sungei tuh handalem haluli. Dia ulih haramaung madu manawan, kuman itah. Hanjak aku awi ulihum kea mengkak sumbel paran badak te”.

Kuan kalapiting : “Puna rue-ruet sinde aku mengkak sumbel paran badak te sampai balawu bengkak”.

Tarewen haramaung ha-ranan danum sungei salenga handalem haluli. Gulung haramaung mandari arepe akan saran tiwing.

Kuan indu haramaung : “Puna sial kelep dia sampet dinun. Saling anakku dia sampet inggau. Haranan salenga sumbel paran badak kau bengkak”.

Kuan badak : “Jatun nger, dia aku katawan auhku dengam. Dia ulihku mampa-teah danum sungei tuh akam. Tikas ampin kaulihku je kilau endau”.

Kuan indu haramaung tumbah auh badak: “Yuh nger, pea aku tau manyalan ikau. Awi je puna tikas kaulihem manduhup”.

“Ayu itah buli !” kuan indu haramaung dengan anake. ***

 

Kutipan : Harian UmumDayak Pos